張致恒老婆自爆每月求人幫交租　今月萬五蚊未有不求人

張致恒(Steven)和老婆區燕雯(雯雯)長期受財政問題困擾，但一家六口開支亦很大。日前雯雯在IG自爆每月租金達1萬5千元，不過就指今個月不會再求人幫助。到今日又突然再出限時動態指自己病了：「病到七彩，越窮越見鬼，今日星期日食咩？」

雯雯早前指自己患心臟病：「「自從證實心臟同肥妹同老竇一樣，每日都好驚自己突然離開。喺屋企暈，佢4個點算？喺街暈，佢4個點算？個人變得好焦慮。以前會怪呢樣怪嗰樣，成日會周圍怨，可能因為生命突然多咗個計時器，個人突然釋懷，只希望還有明天，看到他們成長。原來世界冇嘢係過唔到，只要仲有呼吸，一切都可以渡過。」
之後就指自己今個月未有錢交租：「15000呢啲數字，以前見到會不斷諗求邊個，自從知道自己身體有計時器，又何必去強求繼續生存。要過到自然會過到，上天自然會有安排。今個月不足夠交唔到租，我哋亦齊上齊落一齊接受亦不再強求人去幫。都過咗咁多個月，咁多人幫過，其實我哋已經好幸運。」指自己今個月不會要人幫忙。