方力申呷老婆醋　大爆父母錫Maple多過自己

藝人方力申（小方）今日現身馬場，他自覺婚後跟拍拖時的分別比想像中大：「依家學識點做人同做個好老公，要更有擔當同責任，大家互相遷就同體諒，成個人成熟咗。」由於小方與太太Maple跟父母同住，問到有否婆媳糾紛問題？他慶幸暫時未有：「我阿媽阿爸錫佢多過錫我，我問爸爸媽媽食嘢，佢哋話冇所謂，你問Maple。不過到有咗小朋友又係另一難關，我拭目以待。」

提到太太早前未有做跟得夫人，觀看小方在廣州的演唱會，問到是否有好消息宣布？他否認：「唔係，佢唔舒服，佢比較弱，你哋唔好咁Chur住。（父母恨抱孫？）恨，記得我哋喺美國返嚟斟茶畀父母，我爸爸講咗句傳宗接代，早生貴子，後來我同太太臨出門口，Maple講咗句爸爸，我哋走先喇，我爸爸露出好燦爛嘅笑容，係我十幾年冇見過，我會記一世。」小方指另一個轉變是要多給一份家用給太太，但就相當經濟實惠：「我一聽到佢開嘅價，我即刻話冇問題即畀，我諗呢一年都唔會加價住，最好一世都係呢個價，佢仲未知個通脹。」

東網網站 : https://on.cc/東網Facebook專頁 : https://www.facebook.com/onccnews/