文偉鴻晉升助理總監　親力親為套套劇都勁收得

無綫監製文偉鴻昨日正式榮升無綫戲劇部助理總監（劇集），文偉鴻於無綫多年佳作甚多，基本由他於TVB擔任監製後，套套劇都有相當好的反應，由2012年開始，其任監製的劇集《法網狙擊》全劇平均收視28點，最高更達37點，2013年《My盛Lady》全劇平均收視更創39點佳績。之後他為《使徒行者》系列劇集擔任監製，獲得「最佳劇集」，並加拍電影版，深受觀眾喜愛。再到近年作品《城寨英雄》、《同盟》、《隱形戰隊》、《奪命提示》等等，均在台慶頒獎禮橫掃多個大獎，成績斐然。

向來親力親為，每次開劇都落場監督拍攝的文偉鴻，昨日接受東網獨家訪問時坦言：「當然之後會多了一啲行政上嘅工作，但係我唔會放棄拍嘢，我好熱愛拍嘢，嚟緊亦會有新作品同大家見面，除咗過往內地嘅定製劇外，公司亦會製作多啲本地嘅定製劇，呢個係令人鼓舞嘅消息，喺唔同渠道我哋會同本地客戶有更多緊密合作同溝通，呢啲都係我哋好開心見到嘅現象。」

東網網站 : https://on.cc/東網Facebook專頁 : https://www.facebook.com/onccnews/