鄧小巧最近意想不到地同AGA合作，製作出殘酷揪心作品《討好式戀愛》，替單方面為愛犧牲既人唱出心聲。
「多一點順應他 少一點我不怕」
一段感情中，彼此能夠共同付出顧然理想，然而愛情從來並非平等，當一方失去愛時，關係就會變得不平衡。
尚有愛既一方只可百般遷就，用盡方法得到對方歡心，避免任何矛盾出現令大家分開，步步為營，甘願犧牲一切。甚至知道愛人背叛自己後，仍然裝作無恙，傷痛欲絕亦唔夠膽表露，逐漸失去自我，活在只有對方既世界。
「漸失去自尊也越討厭自己 最後 卑躬屈膝 通通接受」
可惜枕邊人肉體尚在，但心早已飛走。
即使內心每天掙扎，亦知道自己已失去理智，深明各種道理，但就係無法離開，繼續勉強維繫一段已逝既感情。背後未必有驚天動地既原因，做種種傻事全因一個愛字。為愛人赴湯蹈火，燃燒自己都稱得上係一種浪漫。
整段關係絕對唔理性，甚至有點病態，不但無法享受戀愛帶嚟既甜蜜，更會傷害自己。不過，依種行為其實難分對錯，值唔值得亦係見人見智，純粹個人選擇。只可以話愛情就係有如此威力，遍體鱗傷依然能以美麗藉口蓋過。
「若難受轉身偷偷清洗按住那傷口 太怕你會走」
人往往太害怕失去，因而被依份不安牽著走。其實退一萬步嚟睇，拍拖無非想尋求快樂。如果一段關係只有你無限量付出，每日苦苦承受，豈不是本末倒置？有時我地只係差一份勇氣，你既價值並唔係由別人定奪。
「能令你 愉快嗎 我在努力抹淚痕 你在努力愛別人」
《討好式戀愛》演繹充滿感情，配上Aga一貫悲情曲風，以及痛心MV，一層層將歌中傷痛唱入心扉。
小巧脫離獨立歌手身份後，依然保留個人特色，亦作出更多嘗試。我一直覺得佢既作品好似幫大家尋找緊自我，療癒既聲線可以將你帶去另一個世界，聽得舒服又為內心注入力量。希望佢同Aga嚟緊會再合作，同埋各自都出多啲歌！
「願承受千夫所指掩飾你的荒謬 美化每寸傷口」
最後，祝福大家能夠搵到一段彼此關懷，共同成長既健康關係💕
《討好式戀愛》 鄧小巧
曲：AGA 江海迦
詞：鄧小巧
編：Johnny Yim
監：舒文@Zoo Music
「能令你 愉快嗎 我在努力抹淚痕
你在努力愛別人
討好你甘心痛心最愛的理由
羞愧自卑究極討厭自己最後
扭曲身心 含淚接受 ha 太怕放手
討好你不肯放手愛哪可強求
沒懲罰你 為留住你
願承受千夫所指掩飾你的荒謬
美化每寸傷口」
▼Follow hkpopculturelover
Instagram: https://www.instagram.com/hkpopculturelover/
留言 0