李龍基係醒過《東張》76歲何伯但BIGBOSS一定係趙世曾

1.近日《東張西望》爆咗單緊急求助個案，指七旬何伯同細30歲內地婦譜出黃昏戀，何伯因湯好飲，和內地婦發生關係閃婚。何太要100萬投資搞餐飲刺激經濟，何伯仔女當機立斷拎返400多萬聯名定存，成為全城熱話！

2.好多人醒覺始祖提款機代表李龍基原來係醒目計算機，大讚「基哥係香港聰明仔代表！」、「基哥保住7層樓仲日日爆show！」

3.李龍基係醒嘅，不過講到真正 BigBoss，就一定係趙世曾！趙世曾係城中富商兼出名嘅情場浪子，曾自稱有一萬個女友，集齊中日美法俄咁滯，仲話呢個數目已經報細數，簡直係70+男士天花板。

4.佢今年87歲，但絕對唔懵懂。今年1月接受訪問時，話自己女友多，但從來唔怕佢哋騙財，「我都好精明嘅！」仲講點解咁多年嚟堅持不婚，「結咗婚就冇咁多女朋友，會有一定束縛，唔結婚就冇人管你」，識玩又知埞。

5.佢最出名嘅醒目創舉，就係俾女友嘅名牌、珠寶首飾，通通只係「借」！分手時候係要收回（相信有寫埋借據）！佢以前接受陳志雲訪問，解釋啲首飾係媽媽留低，好大紀念價值，直言「好多女友問我攞，我都唔送比佢。」

6.數返當年趙世曾其中一個高質女友，就係美越混血模特兒前女友Terri Holladay，相識一年舉行大型海陸空訂婚儀式，出動直升機、遊艇，連首富李嘉誠都有出席見證！不過訂完婚後都係無結婚，女方已於去年過身。

7.風流一世嘅趙世曾仲講過，「我唔認同有錢就有女人，最緊要相處得開心… 當然靚啲喺埋一齊就開心啲囉…」佢把口講出來，都幾有說服力！

娛樂