小編繼續同大家介紹日系護膚品，今次要介紹嘅係近兩年大熱嘅Wafood Made(ワ フ ー ド メ イ)，就一咁聽個名可能大家無乜印象，咁如果話日本酒粕面膜呢?相信大家近年都唔陌生，簡直係遊日必買，各大藥妝榜單上都有佢嘅身影。
Wafood Made主打使用和食素材為原料，因為日本自古以來就有使用食材作為美容用途嘅民間美容療法，Wafood Made就用呢種日本特殊嘅美容方式結合現代技術，打造多款更有效、更容易保存嘅產品，佢大熱嘅酒粕面膜就係其中一種。
Wafood Made SK系列(酒粕系列)
A post shared by 株式会社ｐｄｃ (@pdc_jp) on Aug 22, 2018 at 1:51am PDT
呢個系列唔洗小編多講，隨便上網一搵就有好多好評。呢個系列可以緩解肌膚暗沉同時保濕，酒粕係製造日本酒嘅副產物，含有豐富嘅熊果素同游離脂肪酸等物質，呢個系列就用咗九州大米『秋色』為原料做成嘅酒粕同阿蘇地區的天然泉水，加入黃瓜果提取物、酵母/米糠發酵精華、柚子籽提取物，唔止可以去角質，打造明亮嘅透明肌，仲可以保濕。
A post shared by 市原彩花 (@ayaka_ichihara) on Dec 18, 2017 at 5:04pm PST
用得啱嘅話肌膚立即變得柔軟有光澤，因為老舊角質被帶走，所以有可能立即變白 ！點解小編要強調用得啱呢?因為佢最有效嘅面膜係沖洗形式，都幾講究架，有人反映用掃上或者太薄嘅話會無用，都有人反映因為太難洗所以用力搓洗，結果塊面反而更乾，其實幾好嘅護膚品都唔會抵得大力搓洗，記住要用夠份量同比啲耐性啦！
Wafood Made UM系列(宇治抹茶系列)
A post shared by 株式会社ｐｄｃ (@pdc_jp) on Feb 26, 2020 at 12:18am PST
呢個系列就以緊致肌膚為主，講起日本古食材又點會少得抹茶？呢個系列使用約有400年歷史嘅京都利休園茶屋嘅石磨磨制宇治抹茶，加入漢葒魚腥草提取物，軟化老舊角質，去除角質後收毛孔就更易啦！而且佢不含酒精，如果你搵緊不含酒精嘅收毛孔產品，可以試吓呢個系列。
Wafood Made AZ磨砂膏
A post shared by 株式会社ｐｄｃ (@pdc_jp) on Jul 31, 2019 at 4:15pm PDT
唔少用家提到，呢個紅豆磨砂配合酒粕面膜先係皇牌！首先用磨砂膏去除角質，再用酒粕面膜加強皮膚彈性︿２一個星期用呢個組合２—３次，效果非常顯著。不過記住磨砂一定要細細力按摩，如果唔係肌膚好易老化架！
Wafood Made豆腐洗面奶
A post shared by さくらんぼ (@ppp898976) on Oct 9, 2018 at 10:40am PDT
呢款豆腐洗面奶采用咗廣島大豆作原料，大豆異黃銅可以令皮膚水潤而有彈性，加上高知嘅鹽滷、海藻提取物，有助打造日常豆腐肌。
之前都有Youtuber開箱過佢地嘅產品，有興趣可以睇下佢嘅介紹:
留言 0