現年45歲的方健儀，在昨日Boxing Day日子分享一段新樓開箱片，原來她與丈夫洪楚恆在2020年時斥1850萬購入「柏傲莊I」一個三房兩廁單位，全屋實用面積754呎，呎價約24,532港元。方健儀在片段中由新屋單位內部開始逐一介紹，片尾亦有到佔地28萬呎會所進行拍攝，環境非常優美舒適。
方健儀在上載片段之餘亦有留言，分享今次買樓體驗，她說：「關於呢份聖誕禮物，我想講一個關於緣份的故事……5年前，開車路過大圍，紅燈停喺呢個地盤前。抬頭一望，有種特別感覺，可能因為兒時喺沙田新田圍邨住過，喺沙田官立中學讀過書，喺青龍水上樂園玩過，好合眼緣。2年前，從來沒有抽獎運嘅我，人生第一次入紙抽新樓。第一輪，洪先生與我都好緊張，但獲告知排位為3000至4000，即係無望。但我哋冇失望，因為人生試過多次陪跑，這些機會不屬於我.jpg。第二輪，經紀催我哋再入紙，我哋心諗算吧啦，不過抽唔到又冇損失，繼續去試，一切隨緣。」
【點擊睇方健儀新屋單位】：
雖然方健儀心儀該屋苑，但她笑指自己向來沒有抽獎運，直到某夜接到經紀來電，「某個晚上，好記得我倆喺西貢食緊壽司，已經忘記當日抽籤。晚上8點，經紀打電話來，氣匆匆話：『方小姐，我幫你對咗10次，你中咗呀，中咗呀！』我一頭霧水問：『中咩呀？中Covid？我冇呀！』經紀話：『你中咗籤呀！43號呀！』我仲好低能咁問：『43號係咩概念呀？』經紀反晒白眼話：『即係你買到樓呀！明日揀樓啦！』吓？明日揀樓？唔係化？我乜都未準備啊：我揀咩座向？揀幾咩面積？夠唔夠錢買？忙亂間，我諗起當年自己43歲，抽到43號籌，算是有緣。」
【點擊睇埋屋苑會所】：
【其他文章】：
16歲陳是知因媽媽吳君如一舉動險走光 母：我係少女我要跳舞
劉嘉玲晒半山「藝術館」級奢華複式豪宅 古典裝修飯廳如同皇宮巨型吊燈極有氣派
盤點50+女藝人最強黑絲造型！趙雅芝襯短褲似少女 周海媚襯旗袍有仙氣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
留言 0