傳做第三者搶角色　余香凝拎影后備受爭議

1今屆香港電影金像獎，男主角鬥得難分難解，尤其破盡票房記錄嘅《毒舌大狀》黃子華 VS表現相當突出嘅《白日之下》林保怡 VS多年無拎影帝嘅《金手指》梁朝偉，最後由梁朝偉六度奪得殊榮，但最大爭議之一，就係余香凝拎影后

2. 喺頒獎禮之前，就傳出角色原屬意同有入圍女主角嘅衛詩雅飾演，更已曾跟導演於開拍前作資料搜集及到庭聽審作參考準備，暗指有人「搶角色」做！而余香凝早前已獲得香港電影評論學會最佳女演員，似是「搶埋影后」

3. 余香凝形象一向麻麻，2018年同陳家樂分手時，被質疑係因女方與從事保險業，於AIA任高級保險經理，年薪過百萬嘅新歡Victor撻著，當年余香凝隨即否認，陳家樂聞記者追問，忍唔住邊行邊喊，被網民稱女方「扮到好似受害者咁」

4. 兩年後，余香凝宣佈同圈外男友陸政渡（Tim Luk）結婚，有傳媒指男方家族經營製衣生意起家，屹立香港逾半個世紀，近年並積極投資房地產，既買樓又買舖，保守估計家族資產高達一億六千萬，屋邨妹成功上位，之後更三年抱兩。

5. 有網民就慨嘆「好多女明星四張野先釣到金龜，佢又負負碌碌釣到隻；無啦啦做開平面model 走去拍戲，又唔係特別好演技，入一次圍就撞正對手咁弱（編按，余為第二次提名），人地排隊排廿年既野佢好似好好命就攞咗。」

6. 更有網民質疑，「面癱都攞到」、「視后 #佘詩曼好戲過呢個影后多多聲」、「實力就肯定唔夠㗎喇，不過套戲叫做得唔差，值得拎獎但影后就…」

7. 平情而論，喺《白日之下》，林保怡、姜大衛、一眾配角等等表現都相當出色，對比下余香凝表現只屬不過不失，有指「佢喺套戲裡面佢最唔突出」；亦有人戥衛詩雅唔抵，「今次套戲真係演得幾好，但就講足咁多年都係仍然上唔到位」；而鍾雪瑩「只係輸畀序有應得」

8. 睇返過去十年影后名單，其實唔少都由內地女演員獲得，包括劉雅瑟、周冬雨、曾美慧孜、春夏等，其餘拎影后嘅香港女演員，資歷都有咁返咁上下（鄭秀文、毛舜筠、惠英紅等）今屆卻突然出現「真空期」，造就余香凝成功上位

9. 當內地女演員唔加入競爭，資歷深嘅香港演員又開始減產，間接令備受爭議嘅余香凝拎影后，係唔係令香港影壇青黃不接問題浮出水面？

娛樂