蒙古旅遊被網民質疑拍片用美顏　官恩娜：要搵包青天幫我主持公道

官恩娜（Ella）在2015年與中法混血醫生男友Juan-Domingo Maurellet結婚後淡出幕前，並誕下一子一女，一直相夫教子，家庭幸福美滿，不時在社交網分享四出旅遊的點滴。早前她一個人去了蒙古旅行吃喝玩樂，發佈自己在蒙古體驗穿傳統服飾的影片，卻引來網民質疑，今日（9日）她在IG Story呼冤：「俾人冤枉用美顏，要搵包青天幫我主持公道！」

近日官恩娜在IG上發佈了一條在蒙古體驗穿傳統服飾的影片，片中可見她身穿一套精緻華麗的紅色蒙古服飾，在當地各個景點打卡影相，又在草地上策馬奔騰，十分快活。不過，有網民質疑她過度使用美顏濾鏡，官恩娜在留言區與該網民正面交戰，今日更在IG限時動態中表示：「要搵包青天幫我主持公道！」

有網民在官恩娜的蒙古片段中留言：「啲美顏勁得滯，矇晒」，其後官恩娜就回覆：「我發誓我冇開美顏！不如你睇清楚先啦，你係咪講食麵嗰度啊？我用前鏡拍攝可能清晰度冇咁高。用美顏唔係咁嘅樣㗎！」然後，該網民耍冧卻語帶諷刺：「sorry 男士，你天生麗質，從來冇用美顏我錯」。

官恩娜忍不住回應：「唔知你係咪真心講sorry 但係我真係冇用美顏，對得住天地良心！你要講得咁仔細，以前影雜誌啲雜誌自己都會執吓相咁算唔算美顏？同朋友去食飯個朋友自己用咗美顏咁我算唔算用過？但係我呢條片絕對冇用美顏令到我塊面嘅面形輪廓皮膚有任何嘅改變！」不少官恩娜的粉絲亦加入戰團，叫她不用理會黑粉。