楊卓娜失落女配 獲老公暖心禮物打氣：你是我的女主角

楊卓娜雖然失落台慶頒獎禮最佳女配角獎，不過她喜獲老公最大支持，原來楊卓娜老公在台慶頒獎禮當晚，已經靜悄悄準備了一隻可愛名牌熊公仔匙扣贈愛妻，並手寫心意卡「老婆：你是我的女主角 老公」，這個貼心甜蜜舉動，當堂冧爆楊卓娜。

楊卓娜前天在社交平台寫道：「今朝（1.20）凌晨五點瞓落床，但係比楊生叫醒，佢問我點解睇唔到？我矇住眼問睇到啲乜嘢，原來佢喺我床邊放住呢一啲嘢！禮物靚唔靚唔緊要，貴唔貴重都唔緊要，最緊要係嗰一份心意，多謝楊生！幾年前，當我都入咗最佳女配角最後5強，凌晨返到屋企，都同樣收到一張卡，一份禮物，女兒嘅短訊，內心好滿足！我們都不是最好的，但是我們擁有彼此，卻比擁有什麼都更好。」

（即時娛樂）