「蟹籽」大過天 呂慧儀 買呢樣嘢氹囝囝…
當家花旦、紅到發紫唔係人人都好，都要付出好大代價，大把志不在此又有頭家藝員都寧願拍處境劇，之唔係貪佢既有得長期曝光，又有得準時收工，收咗工咪可以買餸湊仔唔會忽略家庭樂！好似呂慧儀咁，天未黑都有時間悠悠閒閒喺將軍澳行商場，呢啲就係處境劇演員獨有福利囉！
撰文：東方新地 │ 圖片：新傳媒圖片、呂慧儀IG
呂慧儀 買呢樣嘢氹囝囝…
長腳蟹去到精品店專攻小朋友水樽，唔使問梗係買嚟畀囝囝「蟹籽」黃柏翹用嚟返學囉。
為咗揀個啱心水嘅水樽，呂慧儀摛高又踎低，仔細研究各種圖案同容量。
放工撲去買嘢畀個仔都未夠，明明唔係生日又唔係過聖誕，買完水樽都順手睇吓玩具，再買多個玩具車仔氹個仔開心，呢啲咪就係廿四孝媽媽囉！
06年港姐季軍嘅呂慧儀，11年嫁畀香港先生黃文迪，14年誕下囝囝「蟹籽」黃柏翹(Anton)，啱啱36歲嘅呂慧儀，早前獲《愛・回家》班家人慶祝生日，佢都帶埋蟹籽出席！