公務員WFH期間被爆離開屋企遭上司照肺：「連出街買飯都係唔得！」

目前香港Omicron疫情嚴重，不少公司都啟動WFH在家工作的機制，就連部分公務員都開始WFH的機制。不過近日就有一段錄音流出，疑似是公務員WFH期間離開屋企而遭上司照肺，更被對方直接指連出街買飯唔得。

近Facebook群組「公務員secrets」上有投稿人士放出一段疑似「照肺」的錄音，當中的內容是關於一名WFH的公務員以及上司的對話。當中上司就提及有同事見到事主在WFH期間離開屋企，去到其他地方用膳更被拍下照片，問道事主：「呢個係咪你？」

而事主就反駁指：「你哋意思係買嘢食都唔得？」，而對方就指：「係」，期後再補足指如果是用膳時間就可以，但因為被拍攝到的時間為早上10點，所以當擅離職守。事主再反駁指其實WFH時也沒有一個規定的食飯時間，而對方就指可將其如實寫在report上面，並說道：「冇話你有錯定冇錯」。

之後事主就指可否該次事件當作是「攞鐘」，而對方就指不能夠後補，而希望透過該次事件去令到WFH的指引能夠更清楚地傳達俾其他同事知。而之後上司都指會將報告呈交都由上面去定奪對與錯。

不少網民都指公務員WFH一向都十分不彈性，又指其10點18分就去食lunch的解釋太過牽強，又有網民指其行為似足俾人「篤灰」。另外都有網民拎出衛生署出的「防疫上班攻略」，當中都提及應該彈性用膳，但係事主在錄音中就一直針住其他point講，令自己優勢盡失。

生活