鄭伊健堅拒北上棄700萬日薪　向林姍姍說：頂得住就唔好接

鄭伊健在經典電影《古惑仔》中「浩南哥」一角，深入民心。不止香港，很多內地觀眾都非常喜愛這角色。而《古惑仔》內一班兄弟陳小春、謝天華、林曉峰等早已北上發展、頻頻現身綜藝節目，鄭伊健卻多年來鮮少在內地露面，幾乎絕跡大灣區娛樂圈。近日，任鄭伊健經理人多年的林珊珊在文雋主持的YouTube節目中，罕有揭示伊健多年堅持不「北上搵錢」的真正原因。

節目中，林珊珊表示，內地邀約雖然不少，但九成九都是綜藝節目，而綜藝正正是伊健最不擅長、亦最抗拒的範疇：「佢根本唔可以接受到有個camera跟實佢，瞓覺都要拍，佢唔鍾意，唔鍾意點解要做？」

她透露，鄭伊健多年前曾與陳小春拍過內地綜藝，但最終都感到無法適應、很辛苦。同時，她表示鄭伊健自知拍綜藝「唔會交到貨」給製作人，可能令雙方都不愉快，「成件事都唔開心，佢就會問『珊珊，我地係咪好等錢使呀？』，我通常會話『OK頂得住』，咁佢就會話『頂得住就唔接啦』」。

文雋又在節目中爆料，指早於約9年前，他曾協助內地投資方接洽鄭伊健，希望重組《古惑仔》原班人馬拍攝新片，由伊健好友錢國偉執導。他指，投資者最初開出500萬片酬邀請伊健參演，對方見他未答應，甚至加碼至700萬元，並提出只需拍攝一日、還配合伊健興趣邀請羽毛球壇一哥林丹同場演出，伊健仍堅決推辭。文雋當時協助牽線，也忍不住佩服伊健的原則：「佢好聰明，後來套戲出咗嚟，一如佢所料，真係唔太合水準。」

即使是熟悉的朋友與重金誘惑，也動搖不了伊健的底線。林珊珊指，雖然他與錢國偉關係很好，但當得知劇情走向後，伊健已表明不喜歡，甚至勸對方「不如再諗第二個故仔，我哋一齊搵過投資者」。

文雋亦補充說：「即係唔好再拍類似《古惑仔》嘅嘢。」林珊珊認同：「佢講得好清晰、好堅決。」