李克勤紅館騷唱到腳板底抽筋 難忘與張國榮唱K獲益不淺

李克勤昨晚（13日）在紅館展開7場《弦續李克勤・港樂演唱會》，出席觀賞的嘉賓包括楊受城伉儷、李幸倪、楊天宇、洪助昇、吳浩康、朱天、黎峻、曾樂彤、李靖筠及泳兒等。而一眾好友包括成龍、張學友、郭富城、劉德華、謝霆鋒、古巨基、甄子丹夫婦、陳慧嫻、張敬軒、楊千嬅、草蜢及張敬軒亦有送上花籃祝賀。而克勤太太盧淑儀及兩名兒子RYAN 、RES 皆有到來捧場。

演唱會的熱烈氣氛，克勤按奈不住與觀眾及嘉賓們擊掌，而歌迷也不停送他的禮物、利市，他最後盛情難卻，接收了一部份。明明不是新年卻收利市，讓克勤也覺不禁失笑，他開心道：「利市真係中國人嘅美德，呢啲嘢不是過年先俾，真金白銀一年暢通，哈哈無任歡迎。」

演唱會中除了有C4PO機械人出場，曾擔任過去兩屆《中國好聲音》導師的克勤，亦邀請到兩位冠軍學生，伍珂玥及梁玉莹來當嘉賓，唱到《紅日》時，克勤更搖一身變成大會指揮，指揮四面觀眾大合唱，現場氣氛歡樂高脹，觀眾亦玩得十分投入及開心。

演唱會其中一part，克勤特意揀選其他歌手的歌曲演繹，第一晚他揀了張國榮作曲的《玻璃之情》向哥哥政敬，坦言每次自己演繹這首歌都很都感動：「我曾經同哥哥張國榮一齊唱K，佢同我講過《大會堂演奏廳》可以咁樣唱，令我學到很多。」

整個演唱會，克勤演繹了近30首歌曲，但完騷後觀眾不願離開，不停叫安歌，意想不到的克勤詢眾要求，兩度encore，最後上台時，並在無準備下再唱了兩首歌曲《誰願分手》、《深深深》，他分享說：「細個做演唱會時，做完就掛住收工快啲去玩，依家人大咗，又經歷過疫情，真係好珍惜每一場演唱會，每一次同大家相聚機會，我會記住你哋每一位嘅歌聲，每一下掌聲同歡呼歡，多謝大家。」

演出過後，克勤指可能是近日太忙，疫情關係搬住酒店，唔知係咪生保床，訓得唔好體力透支 ，最後敵不過觀眾熱情，唱《深深深》時，突然腳板底抽筋，「觀眾應該發覺唔到，我抽筋所以咪唔郁，冇行囉，一直企係到唱，捱埋佢到最後。 其實係舊患架啦，左鄰右里演唱會我都試過，不過當時就有人扶返我行落去，今次就係我不動聲息咁唱埋佢，企返直個人再升降台降我走。返酒店浸個熱水，我估會好少少，放鬆返。希望之後順順利利唔好再抽啦。」