陳凱琳孖老公甜蜜出席晚宴　趁機敍舊：回憶返晒嚟

無綫監製王心慰前晚舉行榮休宴，藝人陳凱琳、鄭嘉穎、方中信、賴慰玲、馬德鐘與唐詩詠等均有出席。與老公甜蜜現身的陳凱琳，受訪時表示趁機敍舊：「真係好開心，因為好耐冇拍劇，成日都話只要屋企開住電視，就會好掛住拍劇。好開心係因為除咗見到一班藝人，仲有『梳化服』同事、幕後工作人員、導演都見到，呢個感覺真係好正，好多回憶返晒嚟。我仲同老公講，一見呢班人就好自然諗番以前拍劇集《疆》嘅點滴。」

而與王心慰合作無間的方中信直言難忘拍攝《烈火雄心》，提到愛女符迦晴成為香港賽馬會青少年馬術隊成員，他搞笑說：「細個騎啲Pony仔，點知佢愈騎愈大，愈騎愈貴，做爸爸真係好慘，所以我都要繼續捱。」果然女兒都是爸爸的「前世情人」。

東網網站 : https://on.cc/東網Facebook專頁 : https://www.facebook.com/onccnews/