【銅鑼灣】繼續治療思鄉病 @京都勝牛

今年奧運期間，我聽到好多朋友猛咁說: 「好掛住日本呀! 幾時可以返鄉下?」，觀乎現時的疫情，回鄉仍然無期，唯有繼續在香港吃日本菜醫治思鄉病，有錢的當然去吃Omakase (我都想呀)，冇乜錢都唔緊要，總有不少有質素的選擇。大約半年前來過銅鑼灣的「京都勝牛」，今次又再來，用三兩百就可以又當去了一轉京都。

上次是一個人吃，今次就約齊四人飯聚，有朋友第一次來，於是就決定各人點不同的食物。

先飲杯梅酒，加入黑糖的岸浪園梅酒，清酒的味道跟今日會吃的和牛相信會同我個人一樣，好易夾得來的。

既然上次吃過吉列和牛，今次就吃樣新的，澳洲M9和牛煮成半熟，加上溫泉蛋已經是冇得輸的組合。

吃之前，再淋上特定的燒汁，然後把蛋汁一起撈進和牛跟白飯，半熟的M9和牛本身已夠軟滑，加入蛋汁和燒汁後，添上一份好濃郁而獨特的甜味。

朋友C小姐不吃牛，便點了東京風里脊豬排鍋膳套餐，我都吃了她一塊，豬排炸得很準確，不比牛扒差。

另外兩位朋友都點了牛扒!

鹿兒島A4黑毛和牛西冷比較滑而澳洲M9後腰脊肉則有少少彈性，各有喜好，我就較鍾意啖落滑的，我講牛肉啫。

上次沒有吃甜品，今次補回，這客棉花糖雪糕是打卡之選，棉花糖外層微微燒過，中間就是雪糕，不單有外表，內在都不錯，吃完棉花糖會令人頓覺開心的，喜歡吃雪糕的實在可以一試。

今日的午餐非常豐富，吃飽之後，思鄉病未醫好，但朋友間的歡笑聲郤令我增加了很多力量，所以說，朋友定期相聚是好事呀!

京都勝牛

地址: 銅鑼灣謝斐道535號Tower 535地庫B01號舖

電話: 21179195

營業時間: 12:00 – 22:00

請關注飛叔平台:

Facebook專頁:  飛叔生活 Kelvin Leung 

Instagram: kelvinyfl

YouTube: 飛叔Kelvin Leung