性感女神｜樂宜張秀文拉頭馬　封咪騷腿引哄動

性感女神樂宜及無綫咪神張秀文今日（4日）現身沙田馬場，雖然平時着得惹火，但今日卻「封咪」，不約而同的以短裙仔上陣，大騷白滑長腿，她們出現時引起不少馬迷注意。至於樂宜更有男友全程陪着，非常甜蜜，而張秀文也不愁寂寞，常和其中一位眼大大男士有互動！

有靚女加持，「神期大帝」更加醒神，順利跑贏第一，令兩位女神可以拉頭馬影大合照。張秀文接受東網訪問，否認大眼男士係新歡：「成班朋友入去，佢只係其中一個朋友。我都係趁季尾，朋友嘅愛駒最後一場出賽，所以去支持，我冇諗過有頭馬拉，馬主太太都話我好lucky！季初我有入去睇過呢隻馬，上次仲好臭脾氣，估唔到季尾咁叻仔！」

東網網站 : https://on.cc/

東網Facebook專頁 : https://www.facebook.com/onccnews/