神秘限定口味！？日本Gudetama麥旋風
日本麥當勞又有超吸引嘅新品喇！今次嘅主角係Sanrio嘅超人氣角色Gudetama（疏乎蛋）！日本麥當勞出咗Gudetama嘅開心樂園餐玩具，最重要嘅係有Gudetama嘅期間限定麥旋風！雖然價錢比起平時嘅麥旋風貴（JPY￥290，差唔多成廿蚊一杯)，但係都引起咗好大嘅熱潮，大把人搶住食呀！
以為只係得個包裝有Gudetama，所以無乜特別？錯喇！杯麥旋風唔單止賣貴咗，仲連係咩口味都唔話比你知，係咪夠晒驚喜先！？不過其實大家都可以喺佢嘅電視廣告見到少少端倪嘅！麥旋風入面有2款醬汁，一款啡色、一款黃色，仲加埋一粒粒類似係海綿蛋糕嘅物體，唔少人就估佢係雞蛋布丁口味同忌廉泡芙口味，不過試食過嘅Youtuber就開始有唔同嘅review喇。
喺6月8日日本正式開賣之後，唔少人都開始喺Youtube做食評，雖然無官方公佈嘅確實口味，但每個Youtuber都話食到比較濃嘅焦糖味，相信其中一個醬一定係焦糖嚟嘅，另外就有人話都似係吉士口味，上面一粒粒嘅就肯定係海綿蛋糕喇，大家嘅評價都話唔錯，但就係貴咗少少囉！如果想親身試下嘅朋友，就要喺7月頭之前去日本買返杯試試喇！
Source：