TVB將於下個月20日在深夜時分重播經典舊劇《卡拉屋企》，這套長達227集的經典可說是90年代版《愛回家》，以警察世家的黃家作為背景，一眾主演包括吳鎮宇、李婉華、楚原、盧宛茵、鄭敬基、秦煌、歐陽震華、黎海珊等傾力搞笑演出，令觀眾看到好過癮。劇集主題曲《香港新姿態》更是唱到街知巷聞，仲記唔記得「喂，夠鐘喇，睇電視，睇吓今集講乜先，講乜先。」？
劇集主題曲《香港新姿態》由鄭敬基作曲，找來眾演出演員合唱，歌曲旋律入腦，歌詞又簡單及地道，好似第一句「喂，夠鐘喇，睇電視，睇吓今集講乜先，講乜先。」已經夠晒抵死，之後如「香港地有幾多專制禁忌 比心機要搵錢應記有限期」、「香港地要表態直言要上街 保守派，開通派香港新姿態」等都完全講出當年香港的情況，現在重新再聽，都會勾起當年回憶。
即時重溫主題曲《香港新姿態》
撰文：亞米金