《慶餘年》男神離奇暴瘦　張若昀爆青筋上熱搜

內地劇《慶餘年》曾掀起中港兩地熱潮，更成功捧紅藝人張若昀、李沁、郭麒麟、宋軼等，令劇中主角配角都齊齊升呢，當中張若昀爆紅後就隨即宣布太太唐藝昕有喜，估唔到都不阻人氣，仲收獲「超級奶爸」稱號。《慶餘年》第二季上年開鏡後，專心工作嘅張若昀收埋自己唔見人，尋日（23日）佢終於現身上海機場，點知佢依家瘦到嚇親人，完全走樣！

今日（24日）就33歲嘅張若昀，一現身就被粉絲包圍，全黑打扮本身應該好有型，但係佢就被發現瘦到手臂青筋凸起，連粉絲鏡頭下加晒Filter都遮唔到。早前佢曾自爆瘦成20多斤（約逾22磅），腰圍更只有65cm（約25吋），條緊身褲更加打晒褶，皮包骨睇到粉絲嗌心痛，更令「#張若昀瘦到青筋凸起#」話題上熱搜，有成3.1億閱讀量。唔少人就估佢係咪為配合角色需要而減磅，不過同時亦有網友勸佢要多休息，食多啲補充營養，驚佢會捱唔住影響健康。

東網網站 : https://on.cc/東網Facebook專頁 : https://www.facebook.com/onccnews/