又到11月，係各位大學生畢業禮嘅大日子！之後當然要把握機會，著住畢業袍周圍打卡，影靚相留念啦！
1.《太平山山頂公園》
《柯士甸山頂公園》
地址：太平山柯士甸山道
想影古典宮庭風嘅畢業相，大家可以上山頂，獨覽靚景！
呢度有好多特式建築，好啱影相打卡！
好似呢個俾花包圍嘅噴水池，好唯美～
可以同閨密喺度一齊影許願嘅相，寓意大家都希望踏入社會之後，可以順順利利，而且友誼求固！
上到最頂峰，就可以搵到呢個「秘密花園」同大草地！
點影都咁靚！仲可以順道野餐添～
秋冬chill歎系列～外賣野餐籃！一籃全包超方便～上山頂喺鳥籠迷宮入面打卡！
2.《香港公園》
地址：香港中區紅棉路 19 號
開放時間：
公園（戶外設）（每日上午6時至晚上11時）
溫室 （每日上午9時至下午5時）
觀鳥園 （每日上午9時至下午5時）
如果唔想麻煩，又想一次過可以影哂有特色嘅建築同花草樹木，可以嚟呢度！
鍾意啲大自然景嘅大家，可以喺度影大瀑布，影出嚟好有意景嫁！
想色彩繽紛啲就可以揀彩虹遊樂場，同朋友排排企喺度影，夠哂特別！
可能係香港最啱打卡嘅公園？！木橋、瀑布、彩虹牆、仙人掌一次過影哂！
3.《中區警署-大館開幕》
地址：香港中環荷李活道10號
預約開始日期：2018年 5月 10日
開放日期時間：2018年 5月 29日起，上午 11點至晚上 11點
預約方法：官方網站 或 手機app
若然影自然景唔太啱，想要藝術感啲、學校感覺多啲嘅話，不如試下呢度啦！
呢個屹立左超過 170年嘅中區警署好有英式建築feel，而且影出嚟好有氣勢！
仲可以影到好多藝術創作，吸收多啲藝術氣息，可能會為投身設計嘅你帶嚟靈感嫁！
4.馬鞍山公園
地址：沙田馬鞍山鞍駿街十二號
影花草樹木、特色建築都唔夠滿足嘅話，不如就影埋海邊、日落啦！
咁呢個公園就啱哂你喇！
仲有個迷宮造型嘅花園，可以多人企喺唔同角落影，影下啲搞怪畢業相！
最後，當然要一齊同日落打卡，一齊感嘆下「夕陽無限好，只是近黃昏」啦！～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0