照抄「小鄧紫棋」？兩大辣妹蘿拉蕾菈撞到正

台灣網紅蕾菈憑住「小鄧紫棋」稱號爆紅，人氣高企嘅佢近日竟疑似遭人抄襲，有網民發現另一火辣台妹網紅蘿拉，唔單止本身個名似足蕾菈，就連影片頻道都疑似抄到足，跟住蕾菈「我是蕾菈I'm Lyla」將頻道改名為「蘿拉是我LA」，就連LOGO都相似度極高，同樣以粉紅、黃、白色配色，仲一樣喺中文名中加插英文名，難免令人誤會係同一人。

其實蘿拉嘅頻道已設立咗近1年半，而其社交平台亦有高達50萬粉絲，有網民就為佢護航，指佢冇必要抄襲他人，而佢亦親自發文回應事件，指頻道名稱係當初與粉絲討論得出，而LOGO則係由外判設計師所設計，頻道內容更係完全不同，否認有抄襲之嫌。佢續指與蕾菈亦認識並合作過，希望大家唔好煽風點火，影響2人關係。

東網網站 : https://on.cc/東網Facebook專頁 : https://www.facebook.com/onccnews/