政Whats噏：被問還押生活適應未　黃之鋒：唔係第一次坐監

前香港眾志秘書黃之鋒現於赤柱監獄還押，有前議員尋日(28日)引述佢話又反正唔係第一次坐監，早就適應咗在囚嘅生活，由於依家佢係甲級還押人士，被分配做貼快勞(File)皮嘅工作。

前議員邵家臻喺社交平台貼文，話探監時問黃之鋒喺監獄嘅適應情況，黃話喺物資同心理上嘅適應冇問題，佢喺赤柱監獄都係正常咁寄信同收信。被問及對判決嘅準備，黃就話無法預期。至於還押中嘅生活，黃話因有讀寫障礙，又唔鍾意運動，所以大多時間都係聽收音機，仲引述黃之鋒佢唔識一首關於放監嘅歌添！

由於多宗案件罪成，黃之鋒合共被判囚23.5個月，而喺3月初已完成刑期，但冇得放監，因為佢參與民主派35+初選，涉及《港區國安法》被控串謀顛覆國家政權罪，所以刑期屆滿後再轉到赤柱監獄還押。

東網網站 : https://on.cc/東網Facebook專頁 : https://www.facebook.com/onccnews/