錦田隱世台南風書屋‧茶藝/紮染/書法/銅鑼浴‧療癒工作坊 🌼🌿✨

作為一個年假少得可憐嘅人，去旅行暫時遙遙無期，放假只好發掘不似香港嘅地方，比自己放鬆身心！😢感謝寶寶 @thousandmiles.journal 帶路，昨日帶我去錦田踏青！今次我哋就嚟到只開放星期五、六嘅隱世台南風書店「比比書屋」！

店子由退休社工夫婦開設，因有感香港人生活太繁忙，所以想開辟一個療癒點，比人睇下書，飲下茶，遠離生活繁囂。台子裝修由店主及幾個台灣朋友一手包辦，紅磚牆、榫卯結合嘅書架、竹織燈飾、紮染門簾… 亂中有序，唔講以為自己去咗台南嘅文青書室！

書屋內嘅書有新有舊，可能隨時有本絕版好書喺左緊，好適合慢慢尋寶！此外，店家都好Welcome大家做書釘，店內有大量竹座墊，比人借嚟坐低睇書。

講明書室，自然有埋茶點提供！店主們會熱情招待大家進入茶室，免費品嘗各種茗茶及農家糕點，好似今次我就試到蝶荳花水晶糕、印尼式砵仔糕、雪花酥及各式涼果，均由店主們取用有機食材，自家製作！茶則試咗糯香普洱茶、香茅檸檬及陳皮烏龍等，全程店主會詳細講解泡茶技巧！

重點係以上體驗都是免費的，喺金錢掛帥嘅香港，實在顛覆小編嘅想像！😱

當然，試完茶點，茶葉係可以另外買走！我覺得佢哋嘅茶葉係極高質，非常鼓勵大家買一點帶走！即便係其他精品、書也好，支持善心小店！

店子歡迎Walkin，不過造訪前最好先跟店主預約，方便他們控制人流（如準備茶點等）！另外，比比書屋仲會定期舉辦工作坊，內容涵蓋紮染、銅鑼浴、書法… 想玩嘅朋友，最好一併預約埋！

預約電話：5225 4119

Btw，比比書屋可以逗留一天，怕餓肚子，書屋旁仲有Patrick私房菜，可以食到前文華酒店廚師炮製嘅有機菜料理！好似我當日就食到雜菜燴雞，主食連飲品，人均50，CP值極高！

預約電話：9823 1799

With：@thousandmiles.journal

✾分類標籤

#daydayfoodie_cafe

👆ᴿᵉᵃᵈ ᴹᵒʳᵉ

★－:+:－:+:－:+:－:+:－★

🎡味道：4

🎠環境：4

🎪服務：4.5

🕌CP值：-

（*5為最高分）

★－:+:－:+:－:+:－:+:－★

◌ 比比書屋

◌ 元朗大江埔村錦田公路67號

★－:+:－:+:－:+:－:+:－★

🎀 記得like埋我，每日放送打卡好去處！📸

💗ᴿᵉᵃᵈ ᴹᵒʳᵉ

生活