陳約臨跪低道歉都冇用　網民唔Buy翻舊相寸變樣

「少年劍神」張家朗喺花劍項目為香港贏得奧運金牌，喺賽後無綫派去日本東京直擊嘅陳約臨（Kelly）以「花癡式」進行採訪，失儀行徑遭全城鬧爆，尋晚佢仲喺社交網上載親筆道歉信，而張家朗亦都有畀Like，不過網民似乎唔多接受，除繼續攻擊之外，更有人翻炒Kelly以前嘅相，直指樣貌前後分別好大，似有整容之嫌！

睇番啲相，係Kelly喺2009至2010年參加一個「小主持特訓計劃」時嘅片段，當時約14歲嘅佢完全冇化妝，對眼相比起依家嚟睇細咗唔少，不過輪廓冇明顯改變，相信佢都係冇整過容，只係後天靠化妝品令對眼睇落大啲。

2016年佢喺選美活動贏得「亞洲皇后」獎項從而入行，當時佢接受訪問時已經話預咗會隨時聽到好難聽嘅評語，不過佢會選擇一笑置之。佢喺2017年加入無綫，主持過《3日2夜》、《港生活•港享受》等，當中嘅性感演出令人印象深刻。

東網網站 : https://on.cc/東網Facebook專頁 : https://www.facebook.com/onccnews/