呼聲勁高冠軍戰鞋　Under Armour Curry 5

作為籃球迷嘅你，近期最關心一定係打得如火如荼嘅NBA冠軍總決賽，由Stephen Curry帶領嘅金州勇士暫時以3-0領先LeBron James所屬嘅克里夫蘭騎士，兩隊東西岸盟主已經連續第四次（包括今年）於總決賽對戰，照現時形勢睇，金州勇士極有可能「冧莊」，換句說話「咖喱仔」都好大機會可以擁有第三隻冠軍指環。雖然NBA冠軍指環唔到你戴，但陪住Stephen Curry征戰球場嘅戰鞋Under Armour Curry 5你而家就可以立刻擁有！

Under Armour Curry 5設計採用輕巧物料打造低筒剪裁，Anafoam物料貼服地包裹後踭，EVA緩震中底為穿着者提供快速而靈敏的動作表現，能夠應付迅速急停或轉向，以全針織結構鞋面配上特製鎖扣繫帶系統，方便穿脫同時提供精確舒適的貼合腳感。Curry 5同步會推出白x黑、黑x金及白x金3款配色，鞋面網狀細節、鞋舌SC標誌及腳底前掌牽引系統的撞色設計都為呢對冠軍（好大機會係）戰鞋添上注目效果。