馬國明迎娶湯洛雯開支大狂掙外快 母親節送禮要雙份

馬國明為按摩椅品牌擔任代言人，當日他從劇組收工便緊接往拍廣告，他坐按摩椅拍攝時，笑說以為今次拍攝好輕鬆，原來要忍住唔瞓都唔容易，就是怕坐按摩椅太舒服而睡了。他在鏡頭前完全無疲態而且相當專業，不少鏡頭只拍了兩、三take便完成，過程相當順利。

最近馬明密密接Job，問他是否儲老婆本？他坦言除了拍劇，最好的收入來源便是廣告及登台，因此無任歡迎，亦不介意跟未婚妻湯洛雯以「夫妻檔」上陣：「我同阿湯（湯洛雯）好似未試過一齊拍廣告，其實咩產品都無所謂，咩產品我哋都可以拍嘅，總之抵用啦。」

馬明又大方分享跟靚湯的同居生活，說未婚妻愛按摩，平日他們會請按摩師上門但未必次次也約到，現在家中添置了按摩椅，想按摩就好方便。母親節將至，馬明打算買多兩張按摩椅孝敬媽咪與未來外母。他笑言現在開支大了，因為買禮物要預雙份，故想多拍廣告或邀約他跟靚湯同出席活動、登台或一起拍旅遊節目也可以，她喜歡去旅行，可以寓工作於娛樂，而且可以一起開工多見面。

（即時娛樂）