查小欣不滿等18分鐘行李　出Po公審反被質問︰坐私人飛機咩？

資深傳媒人查小欣，早前從馬來西亞吉隆坡，乘搭廉航返港，但因為等行李等得「太久」，嬲到要上載到facebook公審︰「航班21:19到港，現在是21:37還未見到行李，影都冇！」當網民見到她只不過是等了18分鐘，紛紛反指她過份，應該去坐私人飛機。

查看小欣姐在Facebook的貼文，她上載了一張在行李輸送帶的照片，並留言道：「Can’t believe it！太唔似香港嘅效率，航班21:19到港，現在是21:37還未見到行李，影都冇！#so slow #hongkongairport」不少網民見到只是等了18分鐘便公審人，都覺得她不合理，不少人都留意揶揄︰「你坐私人飛機咩？」、「你坐咩航空公司先得架」、「下次落機之後行慢少少，以及去多幾次洗手間」

雖然不獲網民支持，不過查小欣都有回覆每個留言，例如有人批評香港效率不高，她就反指一直都好欣賞香港效率，認為今次只是個別事件。至於有人叫她索性報《東張》，她都笑稱：「咁又唔使。」