曾淑雅宣布B女出世 髮量超多 堅持餵母乳 望女兒肥肥白白

《3日2夜》曾淑雅（Jumbo）去年11月宣布離開TVB，回復自由身，前年11月誕下囝囝Kobe的Jumbo，今年元旦宣布懷有第2胎，早前舉行Baby Shower宣布佗B女，今天（12日）Jumbo在社交平台宣布囡囡順利出世，母女均安，囡囡的頭髮跟哥哥出世時一樣又密又多，Jumbo寫道：「妹妹順利出世啦，望住你溫柔的小臉，媽媽也溶化了，近乎同哥哥一樣嘅髮型出世，都係貪靚既BB仔，食奶OK﹑黃疸OK﹑精靈精神，已經一齊出院回家啦﹗」

Jumbo透露哥哥因為發燒，亦打亂所有計劃：「有2個小朋友一切真係要更加小心，哥哥要分開住，暫時都未見得妹妹，期待之後2人見面的反應。嚟緊就要好好休養坐月一個月，𠵱家嘅我就好似變番新手媽媽，真係生疏哂！正在努力學習中，要慢慢搵番湊Kobe仔初生時嘅回憶，係有過經歷之下！今胎還是會選擇繼續做母乳媽媽，雖然無得一覺瞓天光，但還是覺得很值得的，只希望囡囡可以肥肥白白健健康康。」

（即時娛樂）