馮允謙自爆愛幻想　醉酒Look拍MV

「唱作王子」馮允謙（Jay）在新歌《吉卜力》MV中化了一臉紅卜卜的「醉酒Look」拍MV，在充滿CG和真人的幻想世界中，開展奇幻旅程，Jay說：「每個人都有自己嘅想像力，Imagine Land。呢首歌係希望大家遇到唔開心嘅事情，多啲想像力，令世界更美好。」一向官仔骨骨的Jay講到在MV變身頭髮凌亂「醉酒Look」，他笑說：「今日天氣好熱又猛太陽，有人問我係咪曬傷咗，非常搞笑。」問到他酒量如何？Jay笑說：「有一次同成班同事食飯，好開心我就飲多幾杯，全公司都以為我好飲得。雖然我唔係好勁，但我唔怕架！」

Jay透露最近再翻看宮崎駿《龍貓》，覺得與小時候觀看感覺不同，長大後感受到有關家庭的愛、童年、人和大自然聯繫的深層訊息。Jay又自爆平時愛幻想，有時會想到傻笑：「有時會諗到啲古靈精怪嘢笑咗出嚟，作為一個創作人要多啲想像力，諗到啲得意嘅Idea就會忍唔住笑。」

而MV中飾演「少年版Jay」的新演員王耀宏（Meaning），被指與Jay撞樣，雖然MV中沒有同框，但二人在拍攝現場相遇，工作人員都指他們好似樣。Meaning害羞地對Jay說：「我好開心人哋話我樣似你，其實我更想唱歌似你。」Jay說：「你得嘅，唱歌唔使似我，要有你自己嘅聲音。」當Jay知道Meaning跟黃淑蔓（Feanna）上堂學唱歌，即問：「佢有冇鬧你？」 Meaning說：「佢係嚴謹同埋認真嘅老師！」Jay笑言以為Feanna不捨得鬧靚仔，離場前為Meaning打氣，叫他「加油」。

東網網站 : https://on.cc/東網Facebook專頁 : https://www.facebook.com/onccnews/