今晚11點將會有西班牙🇪🇸對住摩洛哥🇲🇦世界盃16強比賽
西班牙國家隊教練🇪🇸安歷基出席賽前記者會就話「我哋第一場分組賽踢得真係好好，第二場踢得好過德國🇩🇪少少，第三場係有十幾分鐘就被日本🇯🇵壓住嚟踢，但其他時間都踢得唔錯。雖然我哋以第二名出線，但係我哋對自己充滿信心，亦都對嚟緊呢場比賽充滿動力。」
呢位西班牙教練仲話「批評都係足球嘅其中一部分，我成日都聽到好多人批評我同埋我啲球員，但我唔介意，因為呢啲嘢唔係好重要。如果你有一日死咗，傳媒就會開始讚你係一位好教練，呢個情況好普遍架同埋每個國家都會發生。」
安歷基最後就話「避開巴西🇧🇷就梗係每隊球隊都想啦，但係我哋無用咩特別方法去避開佢哋。大家都知道我哋踢嗰陣巴西都未踢最後一場分組賽，而無人保證巴西一定贏波，所以避開巴西只係一個驚喜。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/
