陳豪客串《虛擬情人》扮醫生　拍檔嚇到尖叫手震

無綫劇集《虛擬情人》昨晚（1日）播出的一集大派「彩蛋」，陳豪以《白色強人II》李文信醫生身份驚喜客串現身，對戲中因肥胖及自卑問題困擾，自暴自棄的吳文懿，嚴厲地教訓了一番，最後送上愛的抱抱，場面溫馨。陳豪談到拍攝時「愛的抱抱」情節，他佻皮說：「我諗我嘅角色就係要畀人攬攬。」又坦言再次穿起《白色強人II》戲服回憶番晒來：「今次主要係要演到醫者父母心嘅感覺，我會教訓同埋鼓勵心心，我都好期待自己可以喺劇入面發揮到咩作用。」

而有幸與「視帝」陳豪同場演戲出的是2022年藝訓班學員吳文懿，對於拍攝當時仍是新人的她指與視帝演對手戲，她坦言一度興奮到手震，她在社交網說：「記得當初考入藝訓班，已經casting呢個角色，作為咩都唔識、新人演員嘅我，真係好緊張！好多謝瑋澄監製願意畀機會我，仲要同我細細個睇電視就好鍾意嘅陳豪合作！當收到劇本嗰刻，我攞住電話足足尖叫咗三分鐘，阿媽以為我撞邪。記得同Moses哥對戲，對手仲震過打冷震機，佢真係好好人，唔會畀壓力，好Nice咁同我傾偈，畀我好放鬆咁樣去做戲。」

東網網站 : https://on.cc/東網Facebook專頁 : https://www.facebook.com/onccnews/