【雲呢拿貴過銀？】抗氧化兼控制食慾！雲呢拿4好處 營養師提醒：要識揀天然新鮮vs.人工合成
雲呢拿價格近年持續飆升，最新達每公斤約600美元（約4680港元），較銀價每公斤約530美元（4134港元）更高，到底雲呢拿有咩好？香港營養師學會（HKNS）認可營養師李杏榆（Annie）接受明報網站訪問，點評雲呢拿4個好處，又提醒市民須分辨清楚新鮮雲呢拿和合成雲呢拿味食物。
雲呢拿4大好處
1. 提升正面情緒
有研究發現，雲呢拿氣味能提升快樂滿足的正面情緒，如日常可使用雲呢拿香氛紓緩情緒。
2. 抗氧化 提升免疫力
雲呢拿含香草酸（vanillic acid），具抗氧化功能，有助保護細胞，避免自由基受傷害，亦有助提升身體免疫能力，及間接達至護膚功效。
3. 抗炎作用
動物研究發現，雲呢拿含抗炎作用，即能減輕身體器官或皮膚發炎的情況，例如減輕痛症（例如關節炎）、器官發炎（例如腸胃炎）、皮膚發炎（例如暗瘡或濕疹）等情況。
4. 控制食慾
雲呢拿香味令人有飽感，有助壓抑及控制食慾。
知多啲：新鮮雲呢拿 vs. 合成雲呢拿味
食雲呢拿雪糕，就可達至抗氧化、抗炎等好處？李杏榆答道：「不一定，因此食用雲呢拿時，最重要揀選真正的新鮮雲呢拿，而非人工合成的雲呢拿味道。」她解釋，新鮮雲呢拿是天然香料，但市面上部分雲呢拿味食物，是混合添加劑的人工合成雲呢拿香味，「食物只係得陣雲呢拿味」，價格相對較低，食用後不會有上述的效用，所以食用前宜留意營養標籤的原材料成分。
文：黃廷希 thwong02@mingpao.com
更多【營養師教路】：link.mingpao.com/49564.htm
更多Hot Pick：link.mingpao.com/43932.htm