呢間burger 店本店係馬鞍山
本身住港島都好少入嗰邊🤣
不過最近終於係銅鑼灣開分店！
係希雲街嗰邊 當日去人流暫時唔算好多
位置差唔多到最盡頭～
餐廳風格似美式餐廳咁
同時舖入面嘅牌覺得充滿本土特色🍔🍔
有牛肉、豬肉、魚肉 亦有素burger
另外沙嗲牛芫荽炒蛋包同奶昔
都係銅鑼灣限定！
1️⃣ Sick! burger $62 (Double sick! +$28)
有單層/雙層同三層+$48牛肉可以揀～
本身有嘅食材除咗漢堡扒
仲有車打芝士、自家製布冧果jam、生菜、焦糖洋蔥等
另外再+$5 要埋磨菇☺️
三層怕太飽滯 覺得雙層牛肉岩岩好！
本身漢堡扒都做到有燶邊效果
初頭食嗰陣肉味適中
另外醬汁仲有柚子～ 所以食落會酸酸地
包體都軟熟 係底部薄身啲同濕左~
2️⃣沙嗲牛肉芫荽炒蛋漢堡 $78 ☀️
之前見佢地Ig 有post 過～
加上自己平時都鍾意食沙嗲牛所以揀左🤤
個人更鍾意呢款可能平時少食到覺得特別啲
沙嗲味係有嘅 覺得可以再重手啲
芫荽炒蛋幾滑🤩 芫荽唔會太硬 都食到荽味
不過如果好鍾意食芫荽嘅會唔夠喉🤣
但唔太接受到嗰陣味嘅就會覺得岩岩好
係個包面稍為燶左
3️⃣洋蔥圈套餐 +$34 ☀️
轉set 可以有埋小食同飲品🥤
第一次食到咁大件洋蔥圈～ 好似bagel🤣
洋蔥都唔會太過生 甜甜地
同炸粉有少少分離 不過好脆口又唔油膩🫶🏻
4️⃣炸番薯條套餐 +$42
番薯條偏幼身 幾綿 加左啲鹽調味所以咸左啲
覺得可以整大條啲粗身啲咁就有口感d ☺️
5️⃣青檸梳打
本身套餐都包梳打/可樂
如果有埋冰就更正～
6️⃣Vita! sick +$48 ☀️
奶昔都係佢地嘅signature🤩
暫時得香芋同阿華田味～
成日怕香芋會好伏 但都想試下!
不過飲落又ok 個base係香芋雪糕同維他奶
唔會好重香精味🫶🏻
配料都幾多🤤有焦糖脆脆 唔太甜
係有少少燶！ 仲有啲好似芋圓咁 似丸子咁
底部會食到有豆腐花🥰
無一般milkshake 咁有罪惡感🤣
📍Sick Burger @sickburger_hk
銅鑼灣希雲街31號地舖||
馬鞍山鞍祿街18號MOSTown新港城中心(5期)地下G04號舖
➖➖➖
分數💛(10分為滿分)
食物質素:7.3/10
環境: 7.5/10
服務: 7.5/10
價錢:7/10
回頭率:60%
▼Follow @sa_foodieadventure
留言 0