薛影儀開記招鞠躬道歉 10分鐘講得兩句網民鬧Play X Me

記招最多有近902人收睇。

「亞視一姐」薛影儀承認一項普通襲擊及一項違反「口罩令」控罪，昨（22日）早在屯門裁判法院被判即時入獄兩星期，違反「口罩令」則罰款5000元，阿儀昨午透過代表律師申請保釋等候上訴獲批。

昨日亞洲電視公告，今日下午2時阿儀會開記招，未夠鐘已有近400位網民等候，2時2分，着住白色恤衫黑色短裙的阿儀由經理人陪同下現身，經理人先講出今日開記招原因，但由於收音極差，完全聽唔到說話內容，然後阿儀企起身表示：「唔好意思，呢件事對大家帶嚟好多麻煩。」隨即跟經理人一齊鞠躬道歉，全程4分鐘，然後到影相時間，現場傳媒要求阿儀企中間影相，直播隨即聲都無埋，直至結束，記招全程10分鐘，網民對於記招非常不滿，表示收音差，最後仲冇埋聲，甚至覺得記招主人翁只講三句就結束係「Play X Me」。