張家朗的前度與現任 港人眼中的「神劍俠侶」最合襯

1.張家朗喺巴黎奧運花劍個人賽衛冕，創下歷史取得兩面奧運金牌！本身已經夠高大靚仔，仲拎埋金牌，即刻成為一等一筍盤，所有港女都心心眼！

2. 睇番佢嘅情史，家朗與運動員同聲同氣。佢曾經同港隊單車隊前代表馬詠茹 Vivian拍拖3年，女方曾同牛下女車神李慧詩 一齊出戰團體競速賽。當年家朗同Vivian經常公開放閃，仲記得上屆東京奧運，Vivan 就喺 Now TV擔任主持，當時佢見證男友歷史性一刻奪金立即喊左出嚟，「今次全香港人都為你感到驕傲！」

3. 最終戀情喺東京奧運後告終，但再見亦是朋友，二人不時互Like對方社交網站post添，而張家朗亦係幾年間，由boy upgrade 為man！
4. 直至舊年，張家朗同劍友吳諾弘畀傳媒影去到居酒屋，當時家朗同一位外籍金髮美女狀甚親密，全程攬實對方。直至今屆奧運奪金後，女方身份終於曝光！

5. 新女友就係法國劍擊運動員SolèneButruille。女方連出三個stories賀男友，更大讚佢係「The Legend Ka Long」！今次女友以「Personal Coach/ Support Personnel」身份同行，佢又開心話，「The best day of my career but no as a fencer」，相片背景正正擺住一件寫住「CHEUNG HKG」嘅奪金戰衣。

6. 二人同年出世，女友本身仲係讀醫嘅高材生！平日除咗打劍，仲經常大晒身材，無論劍術定體態都屬女神級，非常登對！

7. 雖然劍神明草有主，但無阻網民熾熱討論，網民心目中嘅神雕俠侶，就係另一重劍金牌微笑女神江旻憓 。有網民話，「兩位劍神生出嚟嘅小朋友都係劍神。」、「兩位實力、樣貌、身材都相當，好襯啊！」

8. 網民討論都唔係冇根據，3年前張家朗首次奪金後曾經喺網上直播時提到江旻憓就即變怕醜仔，隨即惹來緋聞，其後男方再次澄清先告一段落。雖然現實同幻想有距離，但兩位絕對係香港人心目中最佳男女劍神！

▼Follow 娛頭
Facebook: https://www.facebook.com/profile.php?id=61554772610166