星爺開Live大談藝術收藏 全屋都係畢加索畫作？
西班牙黑色幽默怪才畫家Joan Cornellà近日推出NFT，當中向「星爺」周星馳致敬推出《國產凌凌漆》造型，今日負責今次NFT的創作平台FWENCLUB特別邀請久未露面的星爺進行線上訪問，星爺更發揮搞笑一面。
對於今次NFT星爺表示可以認證到版權，對經歷過翻版泛濫的藝術家來說很重要，星爺更自爆自己是Joan Cornellà的粉絲，感謝他的支持。當中主角人更大讚星爺是個出色的創作人，星爺即搞笑回應：「我係藝術家嚟呀！不過唔好話畀人知，因為係人都知架嘛！」期間星爺又搞笑指自己有不少藝術收藏：「我的藝術收藏都好多，例如嗰啲畢加索、梵高嗰啲畫作……嘅相，我都貼到成屋都係。」星爺亦表示自己鍾意畫公仔，當中電影《美人魚》的認人圖像正正是出自星爺手：「真係唔係講笑，但係真係唔好話畀人聽。」
主持人又透露Joan Cornellà曾表示很喜歡星爺的經典作品《少林足球》，星爺即回應：「我都好鍾意佢，佢好似阿爾柏仙奴，有機會可以搵佢客串下。」最後主持人問星爺有否收藏NFT時，星爺表示有，不過就未有具體承諾會否推出屬於自己的NFT或透過新興的創作模式推出新作品。