46歲森美玩相撲激罕露股 《森美旅行團》丁子朗上演露「啷啷」驚魂

DJ出身口才了得，仲被譽為是最佳節目主持的森美，愈紅愈不錫身，近年不時在節目爆肌，fit爆body成為焦點，近日熱播中的新一輯《森美旅行團》，森美再有突破， 孖另一主持丁子朗一齊打相撲，更親身示範包相撲手的兜襠布過程，激罕露股，又被相撲手揪起狂揈，落地時擘開雙腿近乎走光，為演出博到盡！

撰文、圖片：東方新地

森美擔大旗遊日本露肌浸溫泉輯輯有突破

由森美擔任首席主持的《森美旅行團》，近日熱播第三輯，森美帶著其餘三位拍檔丁子朗、麥美恩及吳若希一齊遊走日本吃喝玩樂，以往每輯都有突破的森美，第一輯罕有在節目上公開講老婆搞到眼濕濕，已經惹來熱話，第二輯他更聯同丁子朗爆肌浸溫泉， 六嚿腹肌贏盡口碑，收視創佳績。

森美為收視搏到盡激罕露股派福利

今次來到第三輯，森美再下一城，為收視去到盡，46歲的他為節目親身上陣打相撲，不但是體能和身手考驗，還親身示範下體包相撲手的兜襠布過程，冒著人前洩春光的危機，只見他赤裸身體，被真正相撲手幫忙在下體包兜襠布，正面睇冇乜嘢，但一轉身屁股兩團肉即時展露人前，激罕露股派福利，真係睇到觀眾嘩嘩聲！節目一出街，已經引起極大回響，更有網民疑惑他有否打底。森美直言：「佢哋話小朋友同女仔可以喺𥚃面著短褲，問我著唔著，我話唔使，見到朗朗（丁子朗）即時面有難色！」

森美丁子朗豁出去 全程唔打底任睇任揈

森美唔著打底褲，丁子朗亦只好照跟，不過為怕走光，兩人包完兜襠布，拍攝前亦互幫對方檢查。森美表示：「我哋真係好似 瞓車底咁幫對方檢查，第一次咁樣睇男人下體！」 兩人激罕爆肌晒股同兩個巨型相撲手對打，森美同 朗朗即使出盡九牛二虎之力，仍未能推動對方，更被相撲手揪起狂揈，被揈到擘開雙腿的森美近乎走 光，他見勢色唔對，亦嚇到大叫「走光」，又用手護 住下體，觀眾睇見都為他抹一額汗。

打鬥太激疑似露「啷啷」 攝影師：「收番埋去！」

事實上籌備節目初期，監製提出要拍攝打相撲場面，森美已經非常緊張。據知情者透露：「打正 自己名堂拍旅遊節目，森美真係博到盡，向來要求高嘅佢，籌備過程就不停同監製開會，畀好多意見，每次佢都想畀驚喜觀眾，今次監製提出要拍攝打相撲，佢都瞓身去做，之前除咗做定運動keep fit，拍嘅時候亦豁出去，監製問佢，拍攝埋包相撲布過程好唔好，佢二話不說就親身上陣，佢做主持咁博，後輩丁子朗都唔好意思say no，不過拍攝打相撲時，雖然都預咗動作會好大，但就冇諗過相撲手會將佢哋揪起狂揈，都知走晒位，返香港之後，佢都睇過晒啲片，可以補救到嘅用 『禁』字遮住，先播出街！」 不過，其實剪走不少比較嚴重嘅走光片。據知情者透露：「因為朗朗同相撲手對戰完，動作太大，露『啷啷』 出嚟，攝影師即刻大嗌叫佢 收番埋去，森美聽到都嚇咗 一跳，仲即刻檢查自己塊兜襠布，嗰part監製已經全部剪走晒！」