拍戲收唔到尾數　黃一山從演以來首打官司

藝人黃一山（細龜）於2003年與太太及兩子移居內地，很早已開始開拓大陸市場，而過去一年疫情下，他仍有不少工作，更一口氣簽下多部片約，但今日有指他近日拍戲爛尾收場，收不到尾數，對方更反過來告他違約，細龜決定訴諸法律，到內地法院立案。

東網致電細龜，他氣憤難平地表示：「今次真係老貓燒鬚，舊年我一口氣同一間2年前合作過嘅內地公司簽咗10幾部戲，點知近日喺橫店拍完之後，電影公司唔肯畀尾數，連我回程機票都唔肯畀，從演30幾年首次打官司，雖然錢唔多，只係8萬蚊人民幣，但我覺得成件事好有問題！（點解告你違約？）因為當時大家係朋友，我冇細睇合約，個約有一句話啲戲未完成嘅話就唔可以離開橫店，但我其實完成晒所簽日數，唔通佢哋不斷開，我就不斷拍？我所拍嘅10幾部已經完成，仲連海報都影埋。」

東網網站 : https://on.cc/

東網Facebook專頁 : https://www.facebook.com/onccnews/