還柙男生涉指示探訪者刪紀錄 控方播錄音要求判斷聲音誰屬 官：唔係聲音專家

【獨媒報導】2019年平安夜，一名副學士生被指於迷你倉管有檢獲煙霧餅及火棉。他被控管有爆炸品罪，並於還柙期間涉指示兩名探訪者協助刪去瀏覽紀錄，警方發現紀錄與爆炸品有關。3人否認串謀妨礙司法公正等罪，今（13日）於區域法院續審。控方於庭上播出懲教署的探訪錄音，要求法庭判斷3把聲音分別屬於誰人，惟暫委法官葉啓亮表示：「但法庭唔係聲音專家喎！」另外於對話期間，疑為還柙男生曾表示有DSE 35分的理大生教他M2數學，惟懲教人員以為他們正在寫暗號，並要求他解釋。

3名被告依次為理大理科副學士生鄺偉邦（19歲）、議員助理余昕鈺（19歲）及學生黃俊燁（20歲），均被控串謀妨礙司法公正罪。鄺另被控兩項管有爆炸品罪。

次被告大狀爭議是否有證據分辨對話由誰說

控方開案陳詞提及，探訪室設有通話錄音系統以及兩支閉路電視鏡頭，分別拍攝探訪者及在囚者。控方指鄺偉邦還柙在壁屋懲教所期間，余昕鈺及黃俊燁於2020年2月3日前往探訪，3人的對話涉及協議刪除一些首被告互聯網帳戶內的數碼資訊，以及一些透過其「鬼機」而取用的數碼資訊。警方其後在鄺的電腦內發現 Google Chrome 及 YouTube 中爆炸品相關的瀏覽紀錄。

還柙男生稱「有炸彈仔俾控方攞晒手機」

控方今於庭上播放出3人的對話錄音，共15分鐘。而余昕鈺的大狀則爭議是否有證據分辨出有關對話由哪一人說出。

控方指稱各人的發言內容如下：

還柙的鄺偉邦稱：「幫我 log in 我 Google account」，並讀出有關帳戶名稱；他又稱「跟住幫我 del 晒啲 Google Chrome 瀏覽記錄呀」、「YouTube 呀，嗰啲呢」。黃俊燁回應指：「唔使㗎，呢啲嘢。」鄺稱：「唔係呀，我有個 friend，我哋有個、有個都係整炸彈嘅。」黃即表示：「喂，你可唔可以細聲啲呀。」鄺回應：「OK呀，無所謂，呢度，跟住有個炸彈仔，跟住俾控方，唉⋯攞晒手機」。黃稱：「我明，咁我明白嘞，我而家OK，我識做。」鄺接着稱：「跟住，總之除咗 iCloud 之外，全部 del 晒。」

還柙男生稱「鬼機冧巴」及「del 晒全部嘢」

其後，鄺又稱：「同埋呢，我鬼機冧巴，電話冧巴」、「我 private IG 嗰度…有幅相」、「頭三四個 post 啦」、「個
caption 有八個數目字嘅，嗰個鬼機電話嚟嘅」、「你睇吓有冇方法可以拎，即係申請返張 SIM 卡返嚟，跟住 del 撚晒全部嘢，睇吓有冇方法吖」。鄺又表示：「同埋如果你 log in 個 Gmail ⋯ 如果要驗證嘅話，你去我屋企拎我部 iPad。」

他們的對話又提到 Telegram，余稱：「即係我有呢個電話號碼之後點呀，跟住 Telegram 定係咩呀」、「咁我睇吓攞唔攞得番」、「Auto del 咗啦，佢 self destroy 㗎嘛，你有冇較一個月呀」；鄺表示印象中有，余即表示：「有咁，咁 del 咗啦，冇咗啦，嗰個 Telegram，唔洗驚啦。」

疑為還柙男生透露抄寫M2題目 被懲教誤會為暗號

另外，據錄音顯示，疑為鄺的男聲稱：「你有無睇琴日份蘋果？⋯ 琴日份蘋果有佢（一名日本女星）」。隨後有一男聲問：「入面手足有冇要幫手？」疑為鄺亦稱：「暴動仔會畀 IG 人叫人幫手開 story，整你問我答。」接着他表示：「（呢度）有個 Poly DSE Best 5 係35分，同佢學術討論，佢教我M2（數學延伸部分單元二）⋯⋯ 抄題目喺度做，阿 sir 以為寫暗號，叫我解畀佢聽。」

控方要求法庭分辨男聲 官：唔係聲音專家喎

控方最後指，由於黃於對話後期曾離開，故只有鄺及余對話，因此法庭可辨別出男聲屬誰人。惟暫委法官葉啓亮表示：「但法庭唔係聲音專家喎！」控方指法庭可參考案例。

辯方透露若法庭明裁定表證成立，鄺偉邦將會自辯。

案件明續審。

3人同被控於2020年2月3日在壁屋監獄內串謀妨礙司法公正，即達成協議刪除3個互聯網戶口，包括一個 Instagram 帳戶、兩個 Google 電郵帳戶。

鄺另被控兩項管有爆炸品罪，控罪指他於2019年12月24日在觀塘鴻圖道寶冠大廈的時昌迷你倉內，管有爆炸品 nitrocellulose（硝化纖維素）及10個煙霧餅。

案件編號：DCCC 286/2021

相關報導：
男學生涉藏爆炸品 被指還柙時指示兩人刪瀏覽紀錄 3人被控妨礙司法公正

版權: 禁止衍生