《反起跑線聯盟2》成功搶fo 觀眾大讚劇情貼地「教仔回憶返晒嚟」 ViuTV有意攻佔師奶市場？

1. 奧運完結，三間免費電視台繼續混戰，近日就由 #ViuTV 新劇《#反起跑線聯盟2》成功跑出

2. 劇集承接第一輯劇情，樂悠悠 #七小福一同升上標榜愉快學習的樂天小學，但遇上極之嚴厲，如強迫症班主任 #冼如英（ #朱茵飾），美夢變惡夢

3. 冼老師「招數」包括：乜都執到正，狂圈錯字，不停罰留堂、重複罰抄但「寫極都係錯」、咄咄逼人、要脅記小過，以至挑戰校長權威，劇中家長都怕咗佢，睇到現實嘅父母咬牙切齒

4. 劇集一出街，一眾家長立即喺網上留言「以前教仔啲回憶返晒嚟」、「最憎就係改錯字要成句一齊改隻手都軟」、「套劇啲對白，好多都同我平時同女講既一樣」，更有網民反捉冼老師字蝨，指她在黑板寫錯字

5. 而劇中一眾小演員亦成為觀眾追捧對象，其中 #潘燦良兒子Martin率先跑出，有網民就大讚「多多表情，好可愛」，亦有人大讚娟姐同肥仔鬥嘴夠搞笑

6. 而日前播出一集，因Billy仔得悉父母離婚，情緒受影響而與同學發生衝突，事後向媽媽（周家怡飾）道歉喊到抽搐，被網民大讚「真係勁過奧斯卡影帝」

7. 事實上，劇集橋條唔算新鮮，冼老師角色基本上係經典日劇《女王的教室》阿久津老師嘅香港版，但最緊要引起觀眾共鳴

8. 雖然有指今年52歲嘅一代女神朱茵敵唔過歲月，演技撐唔起角色，但身型依然keep到，有指「我都想班主任係冼老師」

9. 而過去打年輕人市場為主嘅viuTV，似乎有意攻佔師奶市場，除咗《起跑2》外，近日又舉辦《#美麗40路》選美真人騷，但有網民指，就咁睇宣傳，以為係 #TVB 製作！

10. 睇返隔離台，播翻拍翻拍再翻拍嘅外購劇《#射鵰英雄傳》，恰埋眼都記得劇情，繼續稱霸慣性收視，但討論度邊套跑出，呃唔到人！

娛樂