/拾富貴🇭🇰/

間中都會去下大角咀
嗰邊其實都有唔少cafe 呢～
之前都有見過呢間小店
有主食、輕食、甜品同咖啡
例如: Bagel / sandwich /pasta 等
甜品見人食churros 多
不過原來之前都出左French toast ✨
至於嗰邊人流較少所以都算坐得幾舒服
Cafe 有兩層上層私隱度較高

下層有復古懷舊嘅感覺好靚🤎

➖➖➖
1️⃣青醬雞 $98
餡料都幾滿！
有自家製青醬雞肉、
日式蛋黃醬、蕃茄、火箭菜同
mozzarella cheese
Bagel 口感有嚼勁外層微硬脆
偏向美式嘅口感
(同行友人覺得稍硬)
仲會食到poppy seeds
加咗日式蛋黃醬覺得幾惹味～
雞肉都幾厚切！

整體來講都係幾清新嘅配搭

➖➖➖
2️⃣French all day breakfast $118
都有唔同款式可以揀
例如係英式或者係日式仲有港式！
呢樣幾有心思～
今次就揀咗法式
有黑松露炒蛋、煙三文魚、芝士蒜香焗大啡菇、
茄汁豆、煙肉同埋自家製肉桂多士
炒蛋幾香松露味亦都幾夠滑
芝士蒜香大啡菇🍄‍🟫芝士略嫌有少少燶但係蒜香幾突出

多士上面加上肉桂牛油可能鹹食關係多士唔算好重玉桂味

➖➖➖
3️⃣法式吐司 $48 起
如果另外再加配料嘅話就睇返價錢
正常係有四件🥰大概一塊吐司 🍞
當日只係淺嚐 🤣
例如有咖啡、開心果碎、生果同埋雪糕 $20up
今次加咗開心果碎同埋雲呢拿雪糕+咖啡
配上蜜糖～
多士口感幾鬆軟亦夠濕潤
而且外層嘅邊位都煎得少少微脆唔會太過黏口！
個人覺得開心果同雪糕係幾夾嘅
另外都可以試吓配吓生果
加左咖啡係更加濕潤
但係可能變相咖啡味會變咗更加突出

稍為蓋過蛋香