東張｜何伯夫婦再現身　新何太證真愛：返大陸擺地攤煎牛扒養佢

近日成為全港話題的何伯、「新何太」飲湯飲出真感情再被子女收埋450萬事件，再有新發展，夫婦二人再現身《東張西望》接受訪問，繼續十指緊扣，比何伯年輕30多歲的「新何太」更發表愛的宣言，為證自己對何伯是真愛，就算對方沒有錢：「我可以返大陸擺地攤煎牛扒！」更指其18歲仔也和她說想不讀書出來工作養「阿叔」，兩母子有情有義，何伯應該老懷安慰。

何伯和何太在街市認識，何太當時在何伯的報紙檔對面賣菜，後來何太經常煲湯給他，飲湯飲出愛火花，相識不到半年就結婚，不過當何伯希望提款打本給何太做「餐飲生意」時，發現細愛已經在聯名戶口提取大部份金錢，只剩4千多元。之後何伯何太就上《東張西望》，何家的恩怨情仇正式曝光全港市民眼前。

新一集，何太有解釋自己身上的「行頭」，網民估計價值超過30萬，但新何太就指她珠寶首飾大部分都是A貨，更拿出多個A貨手袋，不過常出鏡的H字頭名牌手袋就未有再現身。不過她亦提到一對龍鳳鈪就是真的，是何伯送她的情人節禮物，價值約10萬。

何太指何伯子女因為怕她爭家產：「冇呢回事，我點解要當佢獵物？我當佢係寶，好唔好？啲人真係奇怪。」何伯亦計好數指5名子女分450萬，每人分到90萬，現在「袋袋平安」。新何太解釋：「因為我名正言順成為合法夫妻，佢哋就冇繼承權，所以佢哋咪先下手為強，捲走晒我老公啲錢，等佢一分伙食費都冇，淨返4200蚊，我仲留喺我先生個袋！我唔要佢嘅！佢話畀隻錶去當我都話唔要住！我仲有錢頂得住！」新何太更說就算何伯沒有錢，她也會不離不棄養佢：「新何太更說可以北上做生意：「我可以返大陸擺地攤煎牛扒！」

何伯更反對網民說何太煲的是迷魂湯：「啲人話飲迷魂湯飲死你，啲湯有毒。飲死我？我愈飲愈精神呀！」何伯及新何太指有留意網上評論：「只係睇咗幾千條留言，我尋晚睇到凌晨4點。」
對網民指新何太貪錢，何太回應：「佢哋太膚淺啦！我鍾意佢愛錫我，我覺得幸福囉！唔通我老公愛錫我都有罪？仲要俾嗰啲世人用唔好啲眼光睇佢？」何伯又說：「邊個女人呃我，我實睇得通！我10幾歲嚟香港，跑過江湖我知㗎。佢老實，靠得住。」
而最後預告中，更有新人物登場，就是街市的其他檔主，預告中提到何太是「心機女」：「佢就煲湯畀佢飲，你都唔好飲啦，係唔係迷魂湯嚟㗎？」更指有人和他們說新何太提到：「其實呢我做你契女都得，不過做你老婆都得㗎！」