波波黃婧靈(Krysella)近日甚少亮相電視台節目，不過就重返YouTube拍片。早前她就玩你問我答，當中提到自己已經沒拍J2節目，亦有回應重返熊仔頭頻道機會，表示已經單身兩三年的她，更說到擇偶件。
波波表示已經單身兩三年，加入了「後生仔」節目後因沒時間拍拖而「散咗」。有網民就直接提問：「點先可以做你男朋友？」她回應：「靚仔，大隻，正囉，同埋錫我買嘢食畀我。我想搵一個餵得飽我嘅人。」亦有網民說自己一樣好身材，時常腰酸，她就提供舒緩方法：「我會坐前少少，趴喺檯度，卸一卸力。呢個係我鍾意pose，擺上檯！」更說曾經試過狂做運動健身：「以前全盛時期做足一日7次……唔係，一個禮拜7次，一次三個鐘，仲有打boxing。」亦有網民問她的上圍尺寸，她就搞笑回應：「我想講有一次IG Story答人哋，我就開張相答『sawadeekap』，跟住我啲friend都笑我係咪玩嘢。」
說到會否和「熊仔頭」YouTube Channel再合作，她答：「唔會話唔會，因為未來咁多可能性，冇人知，同埋返去拍嘢都幾好。」
