唔排除雪卵！余香凝心急搵男友4年後結婚

藝人余香凝（Jennifer）為李尚正及盧頌恩主持的香港開電視節目《開運秘笈》擔任嘉賓，笑言已準備定很多問題請教堪輿學家：「想知我係咪真係要30幾歲先嫁得出，因為其實我想30歲就結婚，又想知我係咪會有小朋友，如果有子女運我就會雪定卵。」

想知使唔使轉型

而事業方面，她就想知明年上的電影反應如何，又想知可有需要轉型：「因為我體質易肥，如果師傅話我肥咗係好啲嘅，我就可以同公司講要增肥。（你接受到肥？）冇嘢嘅，睇吓男仔鍾唔鍾意。」

聖誕同廖子妤「拍拖」

屬雞的她又謂聽講明年好旺桃花，笑言：「但要知係咪真係有姻緣嘅桃花，如果有我要知邊個月或邊度搵。（你好心急？）急㗎，依家26歲，下年就27歲，因為我想30歲結婚，又單身咗年幾，朋友叫我聖誕節一齊食飯，但個個都成雙成對，所以就唔使。（叫佢哋介紹男仔？）冇呀就係。」她笑言聖誕節約了好友廖子妤去街：「惟有兩個SheShe一齊去街玩吓，會打扮吓，如果佢着得女仔啲，我就着型啲，我哋製造吓拍拖嘅氣氛。」

東網網站 : https://on.cc/

東網Facebook專頁 : https://www.facebook.com/onccnews/