姜濤未入行前，16歲曾在麥當勞任職兼職員工，入行後又多次飾演麥記員工，他昨晚就改變身分，在「香港麥當勞成立50週年」的晚宴，擔任表演嘉賓。
麥當勞成立50周年，一連三晚在亞洲博覽館舉辦「員工限定」的晚宴，答謝8,000員工，更特意請來曾任職 Part time 的姜濤作表演嘉賓。
姜濤首先跳唱《Master Class》，令現場氣氛high爆。他其後向台下觀眾打招呼：「唔知大家今日玩得開唔開心呢？其實我想講本身諗住落台(打招呼)，但係見到咁多人我驚，費事！」。
姜濤又表示想唱新歌：「嚟緊呢首歌係我首新歌，但我首新歌叫《白果》，所以唔係呢首新歌因為唔係幾好意頭，係我嘅新歌嘅上一首，希望每一個人新一年都好似呢個歌名咁，身邊有個人當你需要佢嘅時候，可以喺你身邊出現。」然後唱出《I Need You In My Li(f)e》。他最後唱出《蒙著嘴說愛你》，更與台前員工近距離互動。
同場出席的表演嘉賓還有另一位MIRROR成員柳應廷（Jer）及Dear Jane。表演片段流出後，有網民指做麥當勞員工好幸福，表示：「我都想做麥記」。