銅鑼灣柏寧酒店的PLAYT 自助餐及大堂的Ebb & Flow 餐廳，又有新Cross over 啦！今次，PLAYT 跟本地百年老字號「蛇王芬」合作，創作多款好味的蛇肉佳餚呀！
相關資訊︰Klook 預訂 |KKday 預訂 | iPlayHK 食評 | 官網
Ebb & Flow
大堂餐廳推出以蛇肉做主題的點心、仲有蛇羹套餐呀！ 點心好有創意、亦具特式，包括： 蛇王芬潤腸鹹水角、蛇王芬蛇鱔酥、脆炸手工百花蛇丸配蜜糖青梅醬！亦有招牌的蛇羹套餐呀！
View this post on Instagram
此外，PLAYT自助餐，有好多特式蛇肉主題菜式，每人仲包埋一碗蛇羹呀！價錢都只是$438起！好抵食！
今次主題係由酒店主廚和蛇王芬第四代接班人共同創作。除了經典必食的蛇王芬太史五蛇羹，新出的菜式包括：
🔅藥膳五蛇湯浸雞 （好味！）
🔅 姜生古法蛇絲沙巴龍躉（推介！）
🔅 脆炸手工白花蛇丸 （必食！）
🔅老陳皮蛇肉琵琶豆腐
🔅雲南火腿蛇汁蒸蛋白
🔅 沙茶醬野菌炒龍鳳片
🔅 油泡蛇三鮮時蔬
🔅 泰式香茅脆蛇球
當中，愛玩小生最愛是「脆炸手工白花蛇丸 」，細細粒、超脆外皮，內裡啖啖蛇肉呀！點埋特別製作的蜜糖醬，好好味！
此外，藥膳五蛇湯浸雞 帶有淡淡藥膳味，不會太濃又帶有雞香！
記得一定要食每人1碗的蛇王芬太子五蛇羹，蛇肉足料之餘，味道跟原店一樣正宗！
鍾意食蛇的朋友，記得留意啦！主題自助餐由即日起至3月31日咋！