麥詩晴被問楊明醉駕、曾志偉高唔高　敢言回答被讚有智慧

27歲麥詩晴(Ceci)雖然是2020年落選港姐，但近日有參演《法證先鋒6倖存者的救贖》，都已有人認得。而且原來形象乖乖的她相當敢言。早前在社交平台玩「你問我答」，留言：「隨便問 多人想聽就講。」遇到敏感問題都正面回應。

有網民問到人工：「係咪真係好低人工。以中位數對比。」麥詩晴坦白回應：「好懸殊，用show 計，有啲show 錢好高同埋多工作量嘅話自然收入高，啱啱入行嗰時試過有排冇乜嘢做一打開糧單＄0。」
之後更有網民大膽問：「你點睇『楊明醉駕』仲咁多劇做？點解TVB仲捧佢？」麥詩晴認真回答：「Ps只係公司見，未試過深入接觸，但係做嘢嘅時候覺得佢個人都幾nice 同認真嘅。咁做藝人，新聞價值輿論性高，無論好唔好啦，做過啲咩你都會記得嘅話，咁就有佢嘅市場價值㗎啦，起碼你會花時間睇同埋記得，會講起佢。有人講真係好講好過做乜都冇人講尤其是呢行，見過有啲超有實力嘅，但新聞價值輿論性真係唔夠，有時都覺得戥佢哋唔抵，好希望俾人睇到佢哋幕後幾專業，值得更多機會。」
更有人提問：「曾志偉高唔高？」Ceci乖巧回答：「Google好似有寫？」