西班牙遊記 - 貝迪斯主場朝聖
小弟有幸隨西甲學院遊學團到西班牙吸收足球/體育養份。旅程中有課堂、有參觀亦有體驗。今日到貝迪斯主場，見到綠色嘅人海，自然就被打動。
有時睇街訪片，曾經諗過如果自己被訪問，會點回應。
然而點都冇諗過，第一次被「街訪」，居然係受西甲球隊貝迪斯social media page 訪問，仲要係講英文。
驚喜來臨之下，小弟情緒變得高漲，對住鏡頭講個不停。
如果大家有興趣，遲啲可以cap出嚟分享俾大家😆😆
小弟非常慶幸，能夠親眼目睹41歲傳奇祖亞昆喺場上嘅風彩，亦好高興能見到世界盃冠軍隊成員古度洛迪古斯同比真拿嘅功架。
美中不足嘅，就係主隊貝迪斯僅輸一吓頭鎚而不敵基達菲。
最後都要交代一下，由於行程相當緊密，小弟旅途中能分享嘅內容實在有限，但盡力啦！
六月頭回港後，小弟將會專心整理同製作，希望下季pre season期間，能帶俾大家精簡而充實嘅內容。
▼ Follow 時代的波經 by LeeKeith 頻道 (已授權予Line)