安仔喺演唱會後推出第一首作品《戀愛腦之死》，同Oscar依個黃金組合再次帶嚟驚喜，唱出被愛情沖昏頭腦既痛苦。
「喜歡得荒謬 若你也肯相伴 能隨便 用一切交換」
喺愛情面前，即使平日多麼理性，都會一下子變得盲目。為得到愛人歡心，甘願赴湯蹈火，犧牲一切亦在所不惜，忽視身邊所有事，縱使旁人如何勸阻依然不顧。即使一段關係走到盡頭，往往要重蹈覆轍好幾次，到遍體鱗傷先會醒覺，其實一直都係自招痛苦。
不論係得不到心上人、得到後失去、以致勉強維繫錯配關係，同樣因為一個愛字而傷痛欲絕，嘗不到一點甜。
「單戀的思念 失戀的痴纏 我的天 我要痴戀不要臉」
有戀愛腦其實正常不過，畢竟人天生就渴望被愛，亦害怕寂寞，但如果將所有心神都放喺戀愛上，霸佔人生所有，一但遇上錯既對象，只會令自己受傷，每日在痛苦中渡過，逐漸失去自我，得不償失。
「曾話我愛你我願愛到死 用盡力沒頭沒腦似鬼魅」
愛情顧然能帶嚟快樂甜蜜，但同時有太多不確定性，係一把鋒利既雙刃劍。
其實人生不只得愛情，仲有好多事值得花心思時間，唔係話要完全放棄，只係嘗試將重心放返喺自己身上，學習看開得失，無咁在意別人想法。當你活得精彩，自然會吸引到更健康幸福既關係，可以真正掌控愛情，而非被愛情玩弄，愛人前要先懂得自愛。
「你說要我學習愛 我也說真的應該」
《戀愛腦之死》演繹頗高難度，但安仔駕馭得非常出色，欣賞時會不自覺地全身擺動，聽完仲有各種感受湧上心頭，餘韻極強。
陳健安去年幾首作品都涉足人生，今次以特別角度談愛情，充滿力量地對戀愛腦當頭棒喝，好有意思，再次震撼到我，相信會成為樂迷沉船、分手、苦戀時必聽之選。
「然後愛夠你發現愛已死 望昨日就如爛透文青戲 毫無意味」
大家身邊一定有為愛情死去活來既朋友，與其費盡唇舌依然徒勞無功，倒不如送依首作品比佢地自己參透😉
《戀愛腦之死》陳健安
作曲：陳健安 / 賴映彤
作詞：Oscar
編曲：賴映彤
監製：賴映彤 / 陳健安
「過去了 遠去了 去到這次我已退燒
看到了 看破了
說我愛你也都不過
統統只因戀愛腦是自我擴張而惹笑
其實說破 唯獨愛我
只反映出哀傷的對照
過去了 遠去了 去到這次我已退燒
終於都得知收跟放 也極重要
就來憑弔 那段錯戀
太可悲 同樣也 極渺小」
▼Follow hkpopculturelover
Instagram: https://www.instagram.com/hkpopculturelover/
留言 0